İmtahan nəticələri məlumdur

Ötən həftə Azərbaycanın Dövlət İmtahan Mərkəzinin yaydığı məlumatda bildirilir ki, tam orta təhsil səviyyəsi üzrə buraxılış imtahanında 39 məktəbli ən yüksək nəticə – 300 bal göstərə bilib. Eyni zamanda 479 məzun ümumiyyətlə imtahana gəlməyib.

Azərbaycanda bu il martın 10-da keçirilən buraxılış imtahanında ümumilikdə 53 102 şagird iştirak etməli idi. Test imtahanına gəlməyənlərlə yanaşı, imtahan zamanı yol verdiyi qanun pozuntularına görə nəticələri ləğv edilən 11 məktəbli də var.