İlin əvvəlindən nə qədər sərnişin və yük daşınıb?

Dövlət Statistika Komitəsinin məlumatına görə, 2024-cü ilin ilk iki ayında Azərbaycanda dəmir yolu nəqliyyatı ilə 1 milyon 261,5 min sərnişin daşınıb ki, bu da ötən illə müqayisədə 30,8% çoxdur. Yükdaşımaların həcmi isə 2,7% azalaraq 3 milyon ton yük təşkil edib. Gün ərzində orta hesabla 363 vaqon yüklənib, 415 vaqon boşaldılıb.

Eyni zamanda, hesabat dövründə ölkə üzrə hava nəqliyyatı ilə 493,7 min sərnişin (+48,4%) və 63,1 min ton yük (+22,5%) daşınıb. Bildirilir ki, sərnişindaşımaların 99,9 faizi dövlət, 0,1 faizi isə özəl qurumlar tərəfindən həyata keçirilib.