İlham Əliyev ölkənin şimal-qərb regionlarına səfər edib

Ötən gün Azərbaycan Prezidenti İlham Əliyev Samux rayonuna səfər edib, orada rayon mərkəzi xəstəxanasının yeni binasının açılışında iştirak edib. O, Heydər Əliyev Fondunun “Təhsilə dəstək” layihəsi çərçivəsində Sərkar kəndində uşaq musiqi məktəbi üçün inşa edilən yeni binanın açılışında da iştirak edib. Sonra dövlətimizin başçısı Bərdədə Azərbaycan Respublikasının Əmək və Əhalinin Sosial Müdafiəsi Nazirliyinin Qarabağ Regional DOST Mərkəzinin və Qarabağ Regional Peşə Hazırlığı Mərkəzinin açılışını etmişdir.

Bundan başqa, dövlət başçısı yenidən qurulan Qarapapaq-Çaylı avtomobil yolunun və ümumi uzunluğu 102 kilometr olan Gəncə-Qazaxbəyli avtomobil yolunun açılışında iştirak edib, Dövlət Sərhəd Xidmətinin Sərhəd Qoşunlarının “Qazax” əlahiddə sərhəd diviziyasının qarnizon kompleksinə və Qazax Müəllimlər Seminariyası ADA Universiteti Qazax Mərkəzinə baş çəkib.

Əliyev həmçinin “Venzana” mebel fabrikinin açılış mərasimində və Qazaxda su təchizatı sistemlərinin istismara verilməsi mərasimində iştirak edib.