III MDB Oyunları harada keçiriləcək?

Azərbaycanın gənclər və idman naziri Fərid Qayıbov bildirib ki, 2025-ci ildə MDB ölkələrinin III Oyunları çərçivəsində yarışlar ölkənin 14 şəhərində – Gəncə, Xankəndi, Mingəçevir, Qəbələ, İsmayıllı, Şəki, Şəmkir, Tovuz, Goranboy, Qazax, Göygöl, Yevlax, Oğuz və Tərtərdə keçiriləcək. 33 idman növündə və 22 fənn üzrə idmançılar arasında medallar təqdim olunacaq.

Nazir qeyd edib ki, bu MDB Oyunları coğrafiyasına və idman növlərinin sayına görə Azərbaycanda ən böyük yarış olacaq. Onun sözlərinə görə, iş qrupu artıq tədbirlə bağlı hazırlıqlara başlayıb.