İçərişəhərlə bağlı rəsm müsabiqəsinin nəticələrinə yekun vurulub

#İcherisheherim tədbirləri çərçivəsində Azərbaycanda qədim İçərişəhərin şərəfinə rəsm müsabiqəsi keçirilib. Bakı Fotoqrafiya Evində keçirilən mükafatlandırma mərasimində ilk üç yeri tutan qaliblər – Fəxriyyə Əliyeva (“Şah Sarayı”), Səidə Musayeva (“Qalanın izi”) və Nəzrin Xələfova (“Bakıda küləkli gün”) mükafatlar almışdır.

Ramil Məmmədov (“İçərişəhərdəki məscid”), Nəzrin Mütəllifli (“Yuxuda”), Rəşad Rzayev (“Buludlu gün”) və Samirə Vəliyeva (“Gecə karvanı”) da həvəsləndirici mükafatlara layiq görülüblər. Müsabiqədə ümumilikdə 300-dən çox insan iştirak edib. Əsərlərin sərgisi avqustun 10-dək açıqdır, giriş pulsuzdur.