 USD | 1,70 | 0,00% |
 EUR | 1,85 | –0,08% |
Rusiyada bütün dünyanı sarsıdan hadisə baş verdi. Moskva vilayətindəki faciənin arxasında kim dayanır və Azərbaycanda buna necə reaksiya verdilər, məqalədə oxuyun.
Cümə günü axşam, martın 22-də, Moskva vilayəti Krasnoqorsk şəhərində “Crocus City Hall” konsert zalına terrorçular hücum ediblər. Silahlılar ziyarətçilərə avtomatlardan atəş açıblar, bundan sonra binada partlayışlar baş verib və yanğın başlayıb.
Son məlumatlara görə 143 nəfər terror aktının qurbanı olub, o cümlədən üç uşaq. Ölənlər arasında həmyerlimiz Hüseynov Vüqar Fuad oğlu da var.
Konsert zalın ziyarətçilərinə qarşı görünməmiş vəhşicəsinə hücum dünyanın onlarla ölkəsində rəğbət və qəzəb dalğasına səbəb oldu. Azərbaycan prezidenti Rusiya xalqına ilk olaraq başsağlığı verənlərdən biri oldu. “Bu terror aktını şiddətlə qınayır, Azərbaycan xalqı adından və şəxsən öz adımdan Sizə, Rusiya xalqına və həlak olmuş şəxslərin ailələrinə və yaxınlarına səbir, yaralananlara isə tezliklə şəfa diləyirəm.” – İlham Əliyev bildirdi.
Rusiya xalqı ilə həmrəyliyini Azərbaycan xalqı da bildirdi. Rusiyanın Bakıdakı səfirliyinin binasının qarşısında yerli sakinlərin bütün günü buraya gətirdikləri güllərdən kortəbii xatirə abidəsi yaranıb. Terror nəticəsində həlak olanların xatirəsi Azərbaycanın Rus Gəncləri Assosiasiyasının rəhbəri vəzifəsini icra edən Şamirə Danilovanın rəhbərlik etdiyi fəallar tərəfindən də yad edildi.
Bu gün RF prezidenti Vladimir Putin “Krokus Siti Holl”daki terror aktı ilə bağlı ölkə vətəndaşlarına müraciət etdi. Rusiya dövlətinin başçısı milli matəm elan etdi və əmin etdi ki, bu dəhşətli terror aktının təşkilində əli olanların hamısı qaçılmaz cəzalandırılacaqdır. “Heç kim bizim çoxmillətli cəmiyyətimizə nifaq, çaxnaşma və zəhərli düşmənçilik toxumu səpə bilməyəcəkdir”, – Rusiya lideri əlavə etdi.
Həmçinin Vladimir Putin bildirdi ki, terror aktını törədənlər tapılıblar və saxlanılıblar. Silahlıları Bryansk vilayətində yaxalayıblar. Onlar Ukrayna tərəfinə doğru gedirdilər, harada onların Ukrayna tərəfindəki şərikləri artıq qaçmaq üçün “pəncərə” təşkil etmişdilər. Cəmi 11 nəfər saxlanılıb.
Aydındır ki, bu terror aktı peşəkarlar tərəfindən uzun müddət və diqqətlə hazırlanmışdır. Kuklaçılar bir neçə məqsəd güdürdülər: əhalini qorxutmaq və etnik ədavəti qızışdırmaq.
Maraqlıdır ki, qərb ölkələri üçün Moskva vilayətindəki terror aktı gözlənilməyən bir şey deyildi. ABŞ və Böyük Britaniya səfirlikləri hələ martın əvvəlində iddia edilən hücumlarla bağlı öz vətəndaşlarına xəbərdarlıq etmişdilər, lakin mövcud məlumatların Rusiya kəşfiyyat xidmətləri ilə paylaşılmasını lazım bilməmişdilər. Ona görə də onlarla günahsız insanın qanı onların da əlindədir.
Populyar Xəbərlər 
Teror aktının təşkilatçısı Amerika elə özudur Nəsə qsədləri var Rusiyanı daxildən parçalamaq istəyirlər Rus oŕdusunda çoxlu musəlman vuruşur hal hazırda Emiqrantlarda pullu muqavilə baglayıb muharibədə iştirak edirlər Buda birsəbəb ola bilər musəlmanları rusiyadan incik salmaq istəyirlər