Gənclər və İdman Nazirliyinin 30 illik yubileyi turnirlə qeyd olunub

Gənclər və İdman Nazirliyinin yaradılmasının 30 illiyi şərəfinə Quba Olimpiya İdman Kompleksində rayon gənclər və idman idarələri arasında mini-futbol üzrə Dostluq kuboku keçirilib. Yarışın qalibi Bakı Şəhər Gənclər və İdman Baş İdarəsinin komandası olub.

Finalda “Bakı” komandası gümüş medala layiq görülən “Mərkəzi Aran” komandasını 7:3 hesabı ilə məğlub edib. “Lənkəran-Astara” komandası “Şirvan-Salyan” komandasını məğlub edərək üçüncü yeri qazanıb. Tədbir Gənclər və İdman Nazirliyi, Azərbaycan Futbol Federasiyaları Assosiasiyası və Azərbaycan Futzal Federasiyasının birgə təşkilatçılığı ilə baş tutub.