Gəncədə milli mətbəx yeməkləri hazırlanıb

“Qərbi Azərbaycanın şirin inciləri” qrant layihəsi çərçivəsində Gəncədə milli mətbəx festivalı keçirilib. Burada Qərbi Azərbaycanın xörəkləri və şirniyyatları – İrəvan kətəsi, mafiş, qoğal, badambura, paxlava, umaç halvası, əriştə şorbası və avelikli plov və digər şirniyyatlar, həmçinin Tahir Əmiraslanovun yemək kitabları təqdim olunub.

Tədbirdə xalq musiqisi də səsləndirilib. Azərbaycan Kulinariya Rəssamları Milli Assosiasiyasının prezidenti, Əməkdar Mədəniyyət İşçisi Tahir Əmiraslanov “Qərbi Azərbaycanın şirin inciləri” mövzusunda mühazirə keçirdib. Bayramın sonunda iştirakçılara sertifikat və diplomlar təqdim olunub.