Gəncədə açıq havada konsertlər keçirildi

Fikrət Əmirov adına Gəncə Dövlət Filarmoniyasının təşkilatçılığı ilə ilk dəfə “Cücələrim” uşaq festivalı keçirilib. Qəmbər Hüseynlinin abidəsi önündə açıq havada baş tutub. Tədbirdə bir neçə gün ərzində Gəncə, Daşkəsən, Naftalan, Goranboy, Samux, Göygöl rayonlarının musiqi məktəblərinin, incəsənət evlərinin və təhsil ocaqlarının şagirdləri çıxış ediblər.

Filarmoniya həmçinin “Musiqinin gücü” adlı daha bir layihəni təqdim edib. Layihə çərçivəsində Gəncə sakinləri və qonaqları üçün açıq havada konsertlər keçiriləcək. Tədbirin açılışında “Göygöl” Dövlət Mahnı və Rəqs Ansamblı Azərbaycan xalq mahnılarını ifa edib.