Gəncə Filarmoniyası yeni layihəyə start verib

Fikrət Əmirov adına Gəncə Dövlət Filarmoniyasında “Üzbəüz” layihəsinə start verilib. Layihə çərçivəsində ayda bir dəfə mədəniyyətin müxtəlif sahələrində çalışan tanınmış simalarla görüşlər keçiriləcək. Onlar öz yaradıcılıq təcrübələrini və uğurlarını bölüşəcəklər.

İlk görüş aprelin sonunda Azərbaycan Yazıçılar Birliyinin hərbi-vətənpərvərlik komissiyasının sədri, “Qızıl qələm” mükafatı laureatı Şahin Musaoğlu ilə baş tutub. Tədbirdə Filarmoniyanın solistləri Rüstəm Cəfərov, Əli Məmmədov və Vasif Bayramov Şahin Musaoğlunun “Cənab leytenant”, “İgid əsgər, möhkəm dayan”, “Əsgər Vətən əmanəti”, “Ağ ümid” kimi kompozisiyalarını ifa ediblər.