Erkən evliliklər qadağandır

Ötən həftə Milli Məclisin iclasında geniş müzakirə olunan Ailə Məcəlləsinə dəyişikliklər təsdiq edilib. İndi Azərbaycanda qan qohumları arasında nikahlara icazə verilmir və nikah yaşının üzrlü səbəblərə görə aşağı salınması imkanları tamamilə ləğv edilib.

Bundan başqa, Azərbaycanın Cinayət Məcəlləsinə də dəyişikliklər edilib. İndi 176-1-ci maddə “Nikaha daxil olmağa məcbur etmə” adlanır və yetkinlik yaşına çatmayanları nikaha daxil olmağa məcbur etməyə görə 3 min manatdan 4 min manatadək cərimə və ya dörd ilədək müddətə azadlıqdan məhrum etməni nəzərdə tutur. Həmçinin 176-1 və 176-2-ci maddələr nikahsız ailə yaratmaq üçün yetkinlik yaşına çatmayan şəxslə bağlanan “erkən nikah”dan bəhs edir.