Elektrik Avtomobillər Festivalı hazırlanır

İyulun 7-də Bakıda “Yaşıl dünya naminə həmrəylik ili” çərçivəsində Elektrik Avtomobillər Festivalı keçiriləcək. O, Ağ Şəhərdə “yaşıl” nəqliyyatın müxtəlif modellərinin sərgisi ilə başlayacaq. Tədbirdə həmçinin musiqi proqramı təqdim olunacaq və sərgi iştirakçıları müxtəlif nominasiyalar üzrə mükafatlar alacaqlar.

Festivalın təşkilatçısı Azərbaycan Avtomobil Federasiyasıdır. Bayram ekoloji cəhətdən təmiz nəqliyyat vasitələrinin populyarlaşdırılması və onların üstünlükləri barədə əhalinin məlumatlandırılması məqsədi daşıyır.