Dünyaların qovuşuğunda turnir

Kazanda tarixdə ilk Gələcək Oyunları keçirilir. Müsabiqə iki həftə davam edəcəkdir. Bütün dünyada təxminən 150 milyon adam turniri onlayn rejimdə izləyir. Beynəlxalq səviyyədə yeni yüksək texnologiyalı yarışlar ficital konsepsiyanı (physical + digital) təcəssüm etdirir. Bu nədir və Azərbaycan idmançıları necə çıxış edirlər, məqalədə oxuyun.

Gələcəyin Oyunları 16 hibrid fənni birləşdirdi. Onların hər birində oyunçular əvvəlcə kompüter simulyatorunda yarışırlar, sonra isə güclərini real meydançada, trekdə, rinqdə və ya kortda müqayisə edirlər. Beləliklə, atletlər müasir texnologiya və fiziki aktivliyin birləşdirilməsi ilə eyni vaxtda əvvəllər bir-biri ilə əlaqəsi olmayan iki ölçülmədə – real və virtualda yarışırlar.

Yarışa 100-dən çox ölkədən: MDB, BRİKS, Cənub-Şərqi Asiya, Afrika və Latın Amerikası dövlətlərindən 2 min idmançı gəlib. Müsabiqələrin idman hissəsini çoxsaylı televiziya şirkətləri, strimerlər və bloggerlər işıqlandırırlar. RF baş nazirinin müavini Dmitriy Çernışenko qeyd etdiyi kimi, belə ajiotaj onu göstərir ki, Rusiya bu unikal formatı anladı və indi onu bütün dünyaya pulsuz verməyə hazırdır.

Müsabiqə iştirakçıların sırasında bizim nümayəndə heyətimiz də var. Azərbaycan idmançıları Rusiya İdman Nazirliyinin başçısı Oleq Matitsinin şəxsi dəvəti ilə turnirə qatılıblar. O, öz təklifini Azərbaycanın gənclər və idman naziri Fərid Qayıbovla görüşündə səsləndirib.

Bizim ölkəmizi oyunların iştirakçıları iki növdə təmsil edirlər. Onlardan biri – ficital futboldur. Azərbaycandan Rekord Klub komandası yaradılıb, onun tərkibinə İzzət Mehdiyev, Emil İsrafilov, Rafiq Həsənov, Rəhim Nağıyev, Ruslan Allahverdiyev, Tural Abdullayev, Ayxan Əliyev və Salman Salmanzadədən daxildir.

Həmçinin müsabiqələrdə ficital-basketbol üzrə iki Azərbaycan komandası iştirak edir. Onlardan biri, Phoenix AZE 2017-ci ildən oynayır. Onun iştirakçıları – Fariz Qənbərov, Andrey Kondratyev, İsmayıl İsmayılzadə və Murad Orucəliyevdir.

Keçən ilin oktyabr ayında Kazanda keçirilən sınaq ficital-oyunlarda Phoenix AZE qələbə əzmi sayəsində azarkeşlərin rəğbətini qazanmışdır. Bizim idmançılarımız bu dəfə də xarakteri göstərdilər: yerli UNICS klubu ilə görüşdə rəqəmsal mərhələni altı xallıq üstünlüklə başa vurdular. Phoenix AZE-nin yaxşı oyununu onun rəqibi də qeyd etdi.

Bundan əlavə, ficital-basketbol idman növündə qələbə uğrunda keçən il Tatarıstanın paytaxtında keçirilən turnirin bürünc mükafatçısı Alov Basket mübarizə aparır.

Kazanda yeni formatlı idman şousunu ekspertlər idman aləmində inqilabi hadisə adlandırırlar. Ümid edirik ki, Azərbaycan komandalarının bu miqyaslı müsabiqələrdə iştirakı yeni nəslin çoxnövlü idman turnirlərində gələcək qələbələrimizin rəhni olacaqdır.