Dialoq davam edir

Bu dəfə Bakı ilə Yerevan arasında danışıqların növbəti mərhələsi Qazaxıstanda keçirilib. İki ölkənin xarici işlər nazirlərinin Alma-Atadakı görüşündə nədən danışdıqları və hansı nəticələrə gəldikləri barədə məqaləmizdə oxuyun. Sizcə, ilin sonuna qədər sülh müqaviləsi imzalanacaqmı?

Mayın 10-11-də keçirilən görüşdə Azərbaycan və Ermənistan XİN başçıları Ceyhun Bayramov və Ararat Mirzoyan dövlət sərhədlərinin delimitasiyasında əldə edilmiş irəliləyişi alqışlayıblar. Söhbətin əsas mövzusu Bakı ilə Yerevan arasında sülh və dövlətlərarası münasibətlər haqqında ikitərəfli saziş layihəsinin müzakirəsi olub.

İkinci gün Azərbaycan və Ermənistan xarici siyasət idarələri tərəfindən dərc olunan görüşün yekunları ilə bağlı eyni məlumatlar danışıqların altından simvolik bir xətt çəkib. Əsas məqam vurğulanıb – digər fikir ayrılıqlarını yekun formada aradan qaldırmaq üçün danışıqların davam etdirilməsinə qarşılıqlı hazırlıq.

Bundan başqa, Qazaxıstana səfər zamanı Azərbaycan və Ermənistan nazirləri Qazaxıstan Baş nazirinin müavini və xarici işlər naziri Murat Nurtleu ilə görüşüblər. Danışıqlar əvvəlcə təkbətək, sonra isə üçtərəfli formatda keçirilib.

MDB ölkələrindən birinin neytral meydançasındakı görüş Qərbin də diqqətindən yayınmayıb. Danışıqların yeni mərhələsi heç nə olmamış kimi Fransa tərəfindən dəstəklənib. Əslində onun təsdiqedici reaksiyası təəccüb doğurur. Belə təəssürat yaranır ki, Paris Bakıya qarşı öz qərəzli mövqeyini uğurlu şəkildə unudub və indi əvvəlki münasibətlərini bərpa etmək üçün münaqişəni aradan qaldırmağa çalışır.

Ümumiyyətlə, Qərb ölkələri yekun olaraq özlərini diplomatik məkan kimi nüfuzdan saldılar. Son damla isə Avropa Parlamentinin respublikada güya “insan haqlarının pozulması” fonunda Bakıya qarşı sanksiyalar tətbiq edilməsini tələb edən qətnaməsi oldu. Bu qərəzli yanaşma ilə ölkəmizin Brüssel və Vaşinqton meydançalarında danışıqlarda iştirak etməsi məqsədəuyğun deyil.