Çoxuşaqlı ailələrdə artım

Salyan rayonunun Qaraçala kəndində sevindirici hadisə baş verib – kənd sakini Abdullayeva Gülşən oğlan uşağı dünyaya gətirib və o, ailənin onuncu övladı olub. Ümumilikdə Azərbaycanda altı və daha çox uşağı olan 16169 ailə yaşayır ki, onlardan 7169-u şəhərlərdə, 9000-i isə kənd yerlərindədir.

9332 ailənin 6, 3565 ailənin 7, 1748 ailənin 8, 1524 ailənin 9 və daha çox uşağı var. Ölkənin ən böyük ailəsi Bərdə rayonunun Ceyirli kəndində 17 uşaqlı İsgəndərovlar ailəsidir. Böyük uşağın indi 25, ən kiçiyinin isə bir il yarım yaşı var.