Çingiz Abdullayev yubileyini qeyd edir

Aprelin 20-də Üzeyir Hacıbəyli adına Bakı Musiqi Akademiyası nəzdində Opera Studiyasının zalında Azərbaycanın xalq yazıçısı Çingiz Abdullayevin dostları ilə yaradıcılıq gecəsi keçiriləcək. Tədbir ustadın 65 illik yubileyinə və yaradıcılıq fəaliyyətinin 40 illiyinə həsr olunub.

Çingiz Abdullayev Yazıçılar Birliyinin birinci katibi, hüquq elmləri doktoru, professor, bir çox beynəlxalq mükafatlar laureatı, “Şöhrət” ordeninin sahibi, altı ali məktəbin fəxri doktorudur. Əsərləri müxtəlif ölkələrdə çap olunub və 29 dilə tərcümə edilib, kitabları əsasında filmlər və seriallar çəkilib.