Çimərlikdə xüsusi qayğıya ehtiyacı olan uşaqlar üçün şənlik təşkil olundu

Sağlamlıq imkanları məhdud uşaqlar üçün 1 və 2 saylı sosial xidmət müəssisələrinin şagirdləri və həssas qruplardan olan insanlar üçün sığınacaq və sosial reabilitasiya müəssisəsinin uşaqları xüsusi çimərlik turunda iştirak ediblər. Uşaqlar üçün interaktiv oyunlar, animatorlarla musiqili şou, qum terapiyası, rəsm, köpük və məşəl şouları təşkil olunub.

Tədbirlərdə ümumilikdə 30-a yaxın xüsusi qayğıya ehtiyacı olan uşaq iştirak edib. Çimərlik turu Azərbaycan Əmək və Əhalinin Sosial Müdafiəsi Nazirliyi yanında Sosial Xidmətlər Agentliyi tərəfindən təşkil olunub.