 USD | 1,70 | 0,00% |
 EUR | 1,85 | –0,08% |
82 il bundan əvvəl bu gün alman diviziyaları Qafqazyanı çöl düzənliklərinə çıxdılar və Qafqaz silsiləsinin aşırımlarına doğru irəlilədilər. Ulu babalarımız Qafqazı necə müdafiə etdilər və Azərbaycan həmin hadisələrin qəhrəmanlarının xatirəsini qorumaq üçün nə edir, məqalədə oxuyun.
25 iyul 1942-ci ildə Qafqaz uğrunda 442 günlük döyüş başladı – Böyük Vətən Müharibəsinin Leninqradın müdafiəsindən sonra ikinci ən sürəkli döyüşü.
Qafqaz regionu SSRİ üçün çox böyük iqtisadi əhəmiyyət kəsb edirdi. Onun ərazisindən ən vacib nəqliyyat yolları keçirdi, burada geniş ərazilərdə taxıl əkilirdi, ən əsası isə bütün sovet neftinin 86,5 faizi hasil edilirdi. Bakı yataqlarının itirilməsi ilə SSRİ-nin vəziyyəti kəskinləşəcəkdi.
Lakin Qırmızı Ordu düşmənin planlarını pozdu və əvvəllər ələ keçirilən əraziləri geri aldı. 9 oktyabr 1943-cü ildə Qafqaz uğrunda döyüş Hitler qoşunlarının məğlubiyyəti ilə başa çatmışdır.
Qələbə baha başa gəldi: Şimali Qafqazdakı döyüşlərdə 276 mindən çox sovet əsgər və zabiti həlak olmuşdur. 1944-cü ildə baş vermiş qanlı döyüşlər nəticəsində təxminən 850 min döyüşçü “Qafqazın müdafiəsinə görə” medalı ilə təltif edilmişdir.
Qafqaz uğrunda döyüşdə soydaşlarımız fəal iştirak ediblər: düşmənlə bilavasitə ərazidə azərbaycanlılardan formalaşmış 416-cı, 223-cü və 77-ci atıcı diviziyalar döyüşüblər. Onların hamısı Qafqazyanın işğalçılardan təmizlənməsinə böyük töhfələr veriblər. Belə ki, 416-cı diviziya Taqanroqu praktiki olaraq öz gücü ilə azad etdi və buna görə “Taqanroqskaya” fəxri adını aldı.
Əcdadlarımızın şücaətini müasir Azərbaycanda şərəflə qeyd edirlər. Tarixə qayğı və Böyük Vətən Müharibəsi veteranlarına hörmət bizi MDB ölkələri ilə birləşdirir. Təəccüblü deyil ki, bizim dövlətlərimiz o qədər birgə anım tədbirləri keçirirlər.
Ötən ilin oktyabrında Bakıda “Rus evi”ndə Rusiya Qələbə Muzeyinin Qafqaz uğrunda döyüşün başa çatmasının 80 illiyinə həsr olunmuş “Yüksəkliklərdə” sərgisi açılıb. Tədbirdə tarix elmləri doktoru, Bakı Dövlət Universitetinin professoru Azad Rzayev mühazirə oxudu.
Bu ilin yazında Azərbaycan növbəti dəfə “Yaddaş bağı” beynəlxalq vətənpərvərlik aksiyasına qoşuldu. Onun iştirakçıları 1941-1945-ci illərdə Bakıda təxliyyə hospitallarında həlak olmuş 415 sovet əsgərinin dəfn olunduğu Sabunçu hərbi abidə kompleksinin ərazisində 79 ağac əkdilər. RF-nın Azərbaycandakı səfirliyinin baş məsləhətçisi Andrey Rumyantsev izah etdi: “Təcrübəli bakılı həkimlərin sayəsində əsgərlərin 90%-i yaralandıqdan sonra döyüş meydanına qayıtdı, lakin sağ qalmayanlar da olmuşdur”. O, həmçinin qeyd etdi ki, ötən il bu abidə kompleksində RF-nın büdcəsi hesabına təmir-bərpa işləri aparılmışdır.
Azərbaycan nasist ideologiyasının təkrar yayılmasının bütün təhlükəsini tam dərk edir. Bizim ölkəmiz BMT Baş Assambleyasının ötən ilin sonunda qəbul etdiyi nasizmin tərənnümünə qarşı mübarizəyə dair Rusiya qətnaməsini dəstəklədi.
Yeri gəlmişkən, təşkilatın bütün üzvləri bunu etməyib. “ABŞ, Almaniya, Fransa və bir sıra digər ölkələr qətnamənin əleyhinə səs veriblər, bu da onların ictimai bəyanatlarına və insan haqları ilə bağlı mövqeyinə ziddir”, – Milli Məclisin deputatı Elşad Mirbəşiroğlu qeyd etdi. Bu, ölkəmizə qarşı açıq qərəzli mövqe nümayiş etdirənlərdən özümüzü daha qətiyyətlə ayırmaq üçün başqa bir səbəbdir.
Populyar Xəbərlər 
Mənim iki dayım: Rəhimov Hidayət Həbib oğlu və Rəhimov Bəhmən Həbib oğlu Böyük Vətən müharibəsinə getdilər. Təəssüf ki, hər ikisi müharibədə qəhrəmancasına həlak oldular. Böyük dayım Hidayət müharibənin ilk günlərində həlak olub. Harda dətn olunduğu məlum deyil.
Kiçik dayım Bəhmən bir qədər sonra həlak olub. Bəhmən dayım barəsində biz qələbənin 30 illiyində öyrəndik. Onun Belarusiyanın qardaşlıq məzarlığında dəfn olunduğunu dedilər. Hər ikisi vətən uğrunda şəhid olmuşlar. Allah hər ikisinə rəhmət eləsin. Məkanları cənnət olsun.