“Böyük Qafqaz Kuboku 2024” qaliblərini tapıb

Şəkidə “Böyük Qafqaz Kuboku 2024” incəsənət və rəqs müsabiqəsi baş tutub. Heydər Əliyev Mərkəzində ölkənin müxtəlif bölgələrindən olan istedadlar rəqs, musiqi alətlərində ifa, vokal və rəsm bacarıqları üzrə yarışıblar. Qalibləri Azərbaycan Gənclər Birliyinin sədri Zakir Əliyev mükafatlandırıb.

Mükafatçılar arasında Şəki İncəsənət Məktəbinin, 4 nömrəli Uşaq Musiqi Məktəbinin, Qabil Əliyev adına Ağdaş 1 nömrəli Uşaq Musiqi Məktəbinin rəqs kollektivi, “Alov” rəqs ansamblı, “Nərgiz” rəqs ansamblı da var.

Müsabiqə Azərbaycan Gənclər Birliyi və Azərbaycan Rəqs Assosiasiyası tərəfindən təşkil olunub.