Balıqçılara müraciət

Sentyabrın 1-də kürütökmə mövsümü ilə əlaqədar sənaye balıq ovu ilə bağlı moratorium başa çatıb. Bununla bağlı Ekologiya və Təbii Sərvətlər Nazirliyi bir daha vətəndaşların nəzərinə çatdırır ki, sənaye balıq ovu zamanı yalnız qanunla icazə verilən vasitələrdən istifadə etmək olar.

Kimyəvi, zəhərli və partlayıcı maddələrin, sintetik torların, elektrik cərəyanının və iti qarmaqların istifadəsi qadağandır. Qanunu pozanlar Azərbaycan Respublikasının İnzibati Xətalar Məcəlləsinə və Cinayət Məcəlləsinə uyğun olaraq məsuliyyətə cəlb olunacaqlar.