Balaca gözəllik

Ötən həftə “Badamdar Hotel Residence”da “Azerbaijan Kids Best Model 2024” uşaq moda müsabiqəsi keçirilib. 4-14 yaş arası onlarla gənc model münsiflər heyətini heyran etməyə çalışaraq təkcə dəbdəbəli geyimlər deyil, həm də öz fərdiliyini nümayiş etdirdilər. İştirakçıları diplomlar, kuboklar və qiymətli hədiyyələr gözləyirdi.

Müsabiqənin münsiflər heyətində əməkdar artist Şölə Səfərəliyeva, müğənnilər Əbdül Xalid, Ülvi Qılınc, moda sənayesinin nümayəndələri Xavər Abdullayeva, İlahə Əliyeva, Alsu Əsədzadə və Əfruz Əmirova yer alıblar. Ekspert şurasına Azərbaycan Dövlət Mədəniyyət və İncəsənət Universitetinin dosenti, Əməkdar artist, modelyer Fəxriyyə Xələfova rəhbərlik edib.