Baku Cinema Breeze öz qapılarını açır

Oktyabrın 2-dən 8-dək Azərbaycanda ilk dəfə olaraq dünya kinosunun şah əsərlərinin nümayiş olunacağı “Baku Cinema Breeze” film festivalı keçiriləcək. O, DokuBaku Sənədli Filmlər Festivalı, BIFF Bakı Beynəlxalq Film Festivalı, ATA Türk Dünyası Beynəlxalq Animasiya Filmləri Festivalı və Animafilm Beynəlxalq Animasiya Festivalı kimi layihələri birləşdirəcək.

Tədbir Mədəniyyət Nazirliyi və Azərbaycan Film Agentliyinin dəstəyi ilə “Yaradıcı Azərbaycan” layihəsi çərçivəsində təşkil olunub. Festivalda Gürcüstan, Koreya, Hindistan, Hollandiya, Türkiyə, Almaniya və digər ölkələrdən kino sənayesinin nümayəndələri iştirak edəcəklər. Paytaxt sakinləri və qonaqları şəhərin müxtəlif kinoteatrlarında və obyektlərində film nümayişlərinə qatıla biləcəklər.