Bakıda yeni istirahət zonası tikilir

Bakıda Xətai rayonunda yerləşən “Sevirəm“ parkının genişləndirilməsi üçün tikinti işlərinə başlanılıb. Kamandar Əhmədov, Həmid Abbasbəyli, Yusif Səfərov və Sergey Senyuşkin küçələrində aparılan işlər çərçivəsində qəzalı vəziyyətdə olan evlər və şəhərin estetik görkəminə xələl gətirən tikililər sökülür.

Sökülən evlərin sakinləri ilə mövcud qanunvericiliyə uyğun olaraq köçürülmə müqavilələri və kompensasiya ödənişləri bağlanır. Paytaxtın icra hakimiyyətləri bir müddət əvvəl yeni parkların salınması üçün şəhərdə təhlükəli bina və tikililərin söküləcəyini açıqlamışdı.