Bakıda Ramiz Mirişlinin 90 illik yubileyi qeyd olunub

Müslüm Maqomayev adına Azərbaycan Dövlət Akademik Filarmoniyasında görkəmli bəstəkar, “Şöhrət” və “Şərəf” ordenli, Xalq Artisti Ramiz Mirişlinin anadan olmasının 90 illik yubileyi münasibətilə xatirə konserti keçirilib. Azərbaycanın xalq artisti, bəstəkar Sərdar Fərəcov tamaşaçılara ustadın həyat və yaradıcılığından danışıb.

Filarmoniyanın səhnəsində Fikrət Əmirov adına Azərbaycan Dövlət Mahnı və Rəqs Ansamblının əməkdar ansamblının müşayiəti ilə Azərbaycanın tanınmış solistləri Samir Cəfərov, Gülyaz Məmmədova, Simarə İmanova və başqaları Ramiz Mirişlinin sevilən əsərlərini ifa ediblər.