Bakıda Qara Qarayevin xatirəsi anılıb

Müslüm Maqomayev adına Azərbaycan Dövlət Akademik Filarmoniyasında görkəmli Azərbaycan bəstəkarı, SSRİ Xalq Artisti Qara Qarayevin şərəfinə konsert olub. Gecənin əvvəlində musiqişünas Aysel Kərim bəstəkarın həyat və yaradıcılığı, ölkə musiqi mədəniyyətinin inkişafındakı xidmətləri haqqında məlumat verib.

Bəstəkarın əsərləri səhnədə bədii rəhbər və baş dirijor, Azərbaycanın Xalq Artisti Fəxrəddin Kərimovun rəhbərliyi ilə Qara Qarayev adına Azərbaycan Dövlət Kamera Orkestri tərəfindən səsləndirilib. Solisti Əməkdar Artist Fəridə Məmmədova (soprano) ifa edib.