Bakıda parklar getdikcə çoxalır

Bakı Şəhər İcra Hakimiyyətinin başçısı Eldar Əzizov Sinqapurda keçirilən IX Dünya Şəhərləri Sammitində çıxışı zamanı bildirib ki, Azərbaycanın paytaxtında artıq 400-ə yaxın park salınıb, hazırda daha 10 yeni meqapark salınır. O, paytaxt sakinləri və qonaqların şəhərin gözəlliyində və təmizliyində müsbət dəyişiklikləri qeyd etdiklərini vurğulayıb.

Əzizov onu da qeyd edib ki, müasir Bakı bu gün şəhər infrastrukturunun bəzi sahələrində bir sıra parametrlərə görə Sinqapuru qabaqlayır. Forumda 87 ölkədən şəhər merləri iştirak edib. Yaşıl enerjiyə keçid, davamlı şəhərsalma və digər aktual məsələlər müzakirə edilib.