Bakıda Naxçıvanın şəkilləri nümayiş etdirilib

Paytaxt Beynəlxalq Muğam Mərkəzində “Naxçıvan Fotolarda” sərgisinin təntənəli açılışı olub. Burada “Şərq qapısı” qəzetinin fotoqrafları tərəfindən çəkilmiş qədim Naxçıvan diyarının təbiəti və əhalisini əks etdirən 60-dan çox fotoşəkil təqdim olunur. Tədbirin qonaqları üçün konsert təşkil olunub, muğam ifa olunub.

Sərginin açılışında Azərbaycanın mədəniyyət naziri Adil Kərimli, tanınmış elm, mədəniyyət, incəsənət nümayəndələri, ictimaiyyət nümayəndələri iştirak ediblər. Tədbir Azərbaycan Respublikasının Mədəniyyət Nazirliyi və “Şərq qapısı” qəzetinin təşkilatçılığı, Azərbaycan Prezidentinin Naxçıvan Muxtar Respublikasındakı səlahiyyətli nümayəndəliyinin dəstəyi ilə baş tutub.