Bakıda “Gimnastika hamı üçün” keçirildi

Azərbaycanın paytaxtı Dənizkənarı bulvarda “Gimnastika hamı üçün” mövzusunda II Bakı Beynəlxalq “Challenge” keçirilib. Burada Azərbaycanın müxtəlif bölgələrindən və xarici ölkələrdən 61 komandadan 867 gimnast iştirak edib. Fiziki hazırlıq səviyyəsindən asılı olmayaraq bütün iştirakçılar iki yaş kateqoriyasında – 50 yaşa qədər və 50 yaşdan yuxarılar üzrə yarışıblar.

Tədbirdə ustad dərsləri, komandaların yürüşləri və əyləncə proqramları da təşkil olunub. Festival iştirakçıların qala-şousu ilə başa çatıb.

Festival gimnastikanın əyləncə və sağlam həyat tərzinin nümunəsi kimi populyarlaşdırılması məqsədilə keçirilir.