Bakıda ekoaksiya keçirilib

Paytaxtın Yasamal rayonundakı 2 saylı Alatava meşə parkında növbəti “Tullantıları hədiyyəyə dəyiş” festivalı keçirilib. Tədbir zamanı ümumi həcmi 2410 litr olan plastik butulkalar, ümumi həcmi 207 litr olan şüşə butulkalar və 249 ədəd işlənmiş akkumulyator toplanıb. Aksiya iştirakçılarının hamısı təkrar istifadəyə yararlı materiallar müqabilində müxtəlif hədiyyələr alıb.

Festival zamanı ətraf mühitə qayğı ilə bağlı müxtəlif əyləncələr də təşkil olunub: hörmə çantalarda unikal dizaynların yaradılması, tullantıların çeşidlənməsi üzrə uşaqlar üçün maarifləndirici oyun, kətan üzərində rəsm.