Bakıda bəstəkar Süleyman Ələsgərovun 100 illik yubileyi qeyd olunub

Ötən həftə Qara Qarayevin ev-muzeyində Azərbaycan bəstəkarı, dirijoru, pedaqoq, ictimai xadim, professor, “Şöhrət” ordenli, Xalq artisti Süleyman Ələsgərovun 100 illik yubileyinə həsr olunmuş konsert keçirilib. Süleyman Ələsgərov adına 1 nömrəli uşaq incəsənət məktəbinin şagirdləri bəstəkarın əsərləri ilə yanaşı, Azərbaycan və dünya klassiklərinin əsərlərini ifa ediblər.

Musiqi proqramında Azərbaycan Musiqi Mədəniyyəti Dövlət Muzeyinin kolleksiyalarından slayd-şou nümayiş etdirilib. Tədbirdə həmçinin Qara Qarayevanın qızı Züleyxa Qarayeva-Bağırova və Süleyman Ələsgərov adına 1 nömrəli uşaq incəsənət məktəbinin fortepiano müəllimi Sevda Qurbanzadə bəstəkarın həyat və yaradıcılığından danışıblar.