Bakıda bədii gimnastika üzrə Dünya Kuboku keçiriləcək

Gələn həftə paytaxtın Milli Gimnastika Arenasında bədii gimnastika üzrə FIG Dünya Kuboku çərçivəsində yarışlara start veriləcək. Aprelin 19-dan 21-dək fərdi və qrup hərəkətləri proqramı üzrə 40-dan çox ölkənin ən yaxşı idmançıları qələbə uğrunda mübarizə aparacaqlar.

Azərbaycan 10-cu dəfə bədii gimnastika üzrə Dünya Kubokuna ev sahibliyi edir.

Qeyd olunur ki, gimnastlar həm fərdi aparatla, həm də çoxnövçülükdə mükafatlar uğrunda mübarizə aparmalı olacaqlar. Ən yüksək bal toplayan komanda və idmançı ənənəvi olaraq “AGF Trophy” ilə mükafatlandırılır.