“Bakı sürət festivalı” ilk dəfə Azərbaycanda keçirilib

Azərbaycanda ilk dəfə olaraq Azərbaycan Avtomobil Federasiyası, Caspian Event Organizers və “Bakı Şəhər Halqası” əməliyyat Şirkətinin təşkilatçılığı ilə “Bakı sürət festivalı” keçirilib. Festivalda 30-40-cı illərin klassik avtomobilləri ilə Legend Cars Challenge Baku yarışı keçirilib. Yarışın qalibi Elçin Həsənov, ikinci yeri Murad Həsənov, üçüncü yeri Gülhüseyn Abdullayev tutub.

Mükafatlandırma mərasimi motorsportun aparıcı nümayəndələrinin iştirakı ilə keçirilib. Festivalda müxtəlif markalı test sürücüləri və ən yaxşı pilotların iştirak etdiyi drift şouları olan bir avtomobil sərgisi də yer aldı. Tədbir motor idmanını populyarlaşdırmaq və avtomobil sənayesinin bölgədəki son inkişaflarını nümayiş etdirmək məqsədi daşıyır.