Bakı Olimpiya Stadionu ən yaxşı stadionlar siyahısında

Bakı Olimpiya Stadionu nüfuzlu FourFourTwo nəşrinin versiyasına görə dünyanın 100 ən yaxşı stadionunun yeni siyahısında 41-ci yeri tutub. Azərbaycanda ən irisinin tikintisinə 2011-ci il iyunun 6-da başlanıb, açılışı isə 2015-ci il martın 6-da baş tutub. Onun ümumi tutumu 69 870 tamaşaçıdır.

Reytinqin ilk üçlüyünə Argentinanın “La Bombonera” stadionu, Braziliyanın “Marakana” və Almaniyanın “Signal İduna Parkı” daxil olub.