Bakı metrosunda yeni rekord

İyulda Bakı metrosunda 1 milyon 260 min 699 sərnişin QR biletdən istifadə edib. İyun ayı ilə müqayisədə bu göstərici 69,2% artıb. Eyni zamanda, ilin bütün birinci yarısı üçün QR bilet istifadəçilərinin sayı 1 milyon 884 min 845 nəfər təşkil edib. Ən çox QR biletləri iyulun 30-da qeydə alınıb – 49 394.

Ötən ay “28 May” stansiyasında 109 180, “Koroğlu” stansiyasında 99 638, “Gənclik” stansiyasında 93 083, “N. Nərimanov” stansiyasında 90 479, “20 Yanvar” stansiyasında 89 105 sərnişin QR biletindən istifadə edib.