“Bakı Marafonu 2024”-ə qeydiyyat davam edir

Bu il mayın 5-də Heydər Əliyev Fondunun təşəbbüsü ilə yeddinci dəfə “Bakı Marafonu” keçiriləcək. Martın 1-dən artıq 10 minə yaxın insan orada iştirak etmək üçün qeydiyyatdan keçib. İstənilən şəxs aprelin 25-dək www.marathon.az saytında, həmçinin paytaxtın ticarət mərkəzlərində (28 Mall, Gənclik Mall, Deniz Mall) xüsusi məntəqələrdə qeydiyyatdan keçə bilər.

“Bakı Marafonu 2024”-də Azərbaycan vətəndaşları və ölkədə yaşayan və işləyən əcnəbilər iştirak edə bilərlər. Həmçinin bu il incəsənət və idman sahəsində bir çox tanınmış simalar marafonda fəxri iştirakçı olacaqlar. Qeydiyyatdan keçmiş iştirakçılar üçün təlimlər çərşənbə axşamı və cümə axşamı günləri keçirilir.