Bakı kurort turizmini genişləndirəcək

Bakı şəhərinin Baş İnkişaf Planına əsasən, kurort turizminin 2040-cı ilə qədər inkişafı üçün təxminən 169,8 hektar yeni ərazilərin ayrılması nəzərdə tutulur. Bundan əlavə, su obyektlərinin keyfiyyətinin yüksəldilməsi məqsədilə ətraf mühitin yaxşılaşdırılması, həmçinin çimərlik zonalarından Bakının mühüm turistik yerlərinə özəl ekskursiyalara imkan verəcək nəqliyyat infrastrukturunun yaxşılaşdırılması üçün tədbirlər planlaşdırılır.

Abşeron yarımadasında Xəzər dənizinin şimal və cənub sahilləri bir neçə onilliklər ərzində yerli çimərlik turizminin inkişafı üçün məkan kimi xidmət etmişdir. Bu kurortlar alış-veriş, yemək, təmiz sular və digər attraksionlar da daxil olmaqla müxtəlif şəraiti olan əhəmiyyətli turizm məkanlarıdır.