Bədii gimnastika üzrə yarışlar başlayır

Bu gün Tərtər Olimpiya Kompleksində bədii gimnastika üzrə iki gün davam edəcək 29-cu Azərbaycan çempionatı başlayır. Bu il turnirdə uşaqlar, pre-yuniorlar və yeniyetmələr kateqoriyasında çıxış edən 130 idmançı, həmçinin gənc yaş qrupları üzrə qrup hərəkətləri üzrə komandalar iştirak edir.

Çempionat iştirakçıları arasında Gəncə klubunun, Olimpiya ehtiyatı Gimnastika Məktəbinin, Respublika Kompleks İdman Məktəbinin, “Ocaq Sport” və “Grasiya” klublarının, “Kür” Mərkəzinin, Şağan və Şirvan Olimpiya Kompleksinin, “Zirə” Mədəniyyət Mərkəzinin və Şəmkir Gənclər Evinin nümayəndələri olacaq.