AZAL iki milyonuncu sərnişinini təbrik edib

Azərbaycanın milli aviadaşıyıcısı AZAL ilin əvvəlindən 2 milyon sərnişinə xidmət göstərib. Yubiley iki milyonuncu sərnişin Bakı-London reysinə bilet alan Nəzrin Orucova olub. Aviaşirkətin nümayəndələri xanımı təbrik edərək, ona Bakıdan AZAL-ın istənilən daimi istiqamətinə gediş-gəliş üçün pulsuz aviabilet hədiyyə ediblər.

Statistikaya əsasən, 2024-cü ilin ilk altı ayında “Azərbaycan Hava Yolları” QSC-nin beynəlxalq reyslərdə sərnişinlərinin sayı 60 faiz, daxili marşrutlarda isə 10 faiz artıb.