Azərbaycanlılar xəstəxanalara daha çox müraciət etməyə başladılar

Azərbaycanda icbari tibbi sığortanın (İTS) tətbiqindən sonra tibb müəssisələrinə müraciətlərin sayı artıb. İcbari Tibbi Sığorta üzrə Dövlət Agentliyinin icraçı direktoru Zaur Əliyev qeyd edib ki, icbari tibbi sığorta üzrə sığorta olunan əhalinin xüsusi çəkisi 2022-ci ildəki 47 faizdən 2023-cü ildə 52 faizə yüksəlib.

Ötən il dövlət tibb müəssisələri tərəfindən vətəndaşların 5 milyondan çox müraciəti əsasında 70 milyondan çox tibbi xidmət göstərilib. İcbari tibbi sığorta üzrə xidmət göstərən özəl tibb müəssisələrinin sayı 19-dan 150-yə, həyata keçirilən əməliyyat və prosedurların həcmi isə 2022-ci illə müqayisədə 40 faiz artıb.