Azərbaycanlılar əmək müqaviləsi olmadan işləyirlər

Milli Məclisin deputatı Vüqar Bayramov Əmək və sosial siyasət komitəsinin iclasında bildirib ki, vətəndaşların cəmi 35,6 faizi əmək müqaviləsi ilə işləyir. Bu o deməkdir ki, hər 100 işləyən vətəndaşdan 65-i müqaviləsiz işləyir. Deputat əmək bazarında müqavilələr üzrə münasibətlərin leqallaşdırılmasının zəruriliyini bildirib.

Azərbaycanda 5 milyon 195 min əmək qabiliyyətli vətəndaş var ki, onlardan 4 milyon 900 mini iqtisadiyyatda fəal iştirak edir. Bununla belə, əmək müqavilələrinin sayı cəmi 1 milyon 749 mindir.