Azərbaycanlı tələbələr Dünya Startap Çempionatının qalibi oldular

Miniboss Business School Baku-nun Azərbaycanın Econotes komandası Şotlandiyanın Qlazqo şəhərində keçirilən 6-16 yaş arası uşaq və yeniyetmələr arasında startap üzrə dünya çempionatında birinci yerə layiq görülüb. Komandamız 20-dən çox ölkədən 18 komandanı üstələyərək ən yüksək nəticə ilə super finala yüksəlib. Təbrik edirik!

Komanda üzvləri beş meyar – innovasiya, gəlirlilik, layihə miqyası, mediada işıqlandırma və münsiflər heyətinin sualları üzrə ən yaxşı cavabları veriblər.

Çempionat çərçivəsində “Ölkə günü” tədbiri də keçirilib, tədbirdə azərbaycanlı tələbələr gətirdikləri şirniyyatlar, suvenirlər və digər atributlarla milli geyimlərdə çıxış edib, rəqs və musiqi proqramları təqdim ediblər.