Azərbaycanlı səyahətçilərin sayı artır

Dövlət Statistika Komitəsinin məlumatına görə, 2024-cü ilin yanvar-iyun ayları ərzində Azərbaycandan xarici ölkələrə 995,2 min nəfər gedib ki, bu da ötən ilin müvafiq dövrü ilə müqayisədə 25,7% çoxdur. Onların 66,4 faizini kişilər, 33,6 faizini isə qadınlar təşkil edib.

2023-cü illə müqayisədə Azərbaycan vətəndaşlarının 39,1 faizi İrana, 23,7 faizi Türkiyəyə, 17,7 faizi Gürcüstana, 15,4 faizi Rusiyaya gedib. Sərnişinlərin 68 faizi xaricə getmək üçün hava nəqliyyatından, 29,6 faizi dəmir yolu və avtomobil nəqliyyatından, 2,4 faizi isə dəniz nəqliyyatından istifadə edib.