Azərbaycanlı istehlakçılar nədən narazıdırlar?

Son 4 ildə Azad İstehlakçılar Birliyinə (AİB) ən çox müraciət olunan müraciətlər avadanlıqların keyfiyyəti ilə bağlı şikayətlər olub. AİB-nin sədri Eyyub Hüseynov qeyd edib ki, vətəndaşlar ən çox smartfon və kompüterlərin keyfiyyətindən şikayət edirlər. Bu, sahibkarların keyfiyyətsiz mal satması ilə bağlıdır.

İstehlakçılar avtomobillərə göstərilən xidmət və təmirin keyfiyyətindən də şikayətlənirlər. Qida təhlükəsizliyi sahəsində Qida Təhlükəsizliyi Agentliyinin gördüyü işlər sayəsində irəliləyişlər olsa da, eyni zamanda dönər hazırlayan fast food məntəqələrində müştərilərin qida zəhərlənməsi halları vaxtaşırı baş verir.