Azərbaycanda triatlon üzrə keçirilən turnirin qalibləri müəyyənləşib

Azərbaycanda SSRİ çempionu, professor Tofiq Qarayevin xatirəsinə həsr olunmuş triatlon yarışı keçirilib. Gənclər və İdman Nazirliyi və Azərbaycan Atletika Federasiyasının birgə təşkilatçılığı ilə keçirilən turnirdə respublikanın müxtəlif bölgələrindən 2010-2011-ci il təvəllüdlü 80 yeniyetmə idmançı iştirak edib.

Respublika Olimpiya Mərkəzində keçirilən yarışlarda 60 və 200 metr məsafəyə qaçış, eləcə də uzunluğa tullanma yarışları keçirilib. Oğlanların yarışında Tuncay Qumbətov və qızlarda Fidan Osmanova qalib olub. Tuncay oğlanlar arasında uzunluğa tullanmada da ən yüksək nəticəni qızlar arasında Selma Ağabəyova göstərib. Oğlanlar arasında triatlon yarışlarında Tuncay Qumbətov liderliyini qoruyub, qızlar arasında isə Fidan Osmanova birinci yeri tutub.