Azərbaycanda spirtli içki istehsalçılarına dair tələblər dəyişəcək

Azərbaycanda spirtli içkilərin idxalı və istehsalı qaydalarının təkmilləşdirilməsi üzərində iş aparılır. “Ərzaq təhlükəsizliyi haqqında” qanuna edilən dəyişikliklər müəssisələrdə nəzarət-ölçü cihazlarının quraşdırılması və istehsalatda istifadə olunan spirtin alınmasının rəsmi qeydiyyata alınması tələbi də daxil olmaqla, yeni tələbləri tətbiq edəcək. Bu qaydaların pozulması lisenziyanın itirilməsi ilə nəticələnə bilər.

İqtisadçı ekspert Natiq Cəfərli xəbərdarlıq edir ki, yeni qaydalar məhsulların qiymətlərini artıra bilər. Qeyd olunur ki, araqın minimum illik istehsal həcminin 100 min desilitr müəyyən edilməsi kiçik istehsalçıları bazardan kənarlaşdıra bilər ki, bu da məhsulların maya dəyərinə təsir göstərəcək.