Azərbaycanda ipəkqurdunun istehsalı genişlənir

Azərbaycanda bu il 40 rayona çatdırılması nəzərdə tutulan ipəkqurdu barama istehsalı mövsümü başlayıb. Məqsəd bütün ölkə üzrə bu məhsulun istehsalını artırmaqdır. Artıq bir neçə istiqamətdə hazırlıq işlərinə başlanılıb.

İndiyədək 9 min qutudan artıq ipəkqurdu sürfəsi inkubasiyaya salınıb, məhsulun paylanması planları barədə məlumat dövlət kənd təsərrüfatının inkişafı mərkəzlərinə göndərilib. Təhvil verilən yaş baramaların hər kiloqramına görə fermer 11 manat alacaq.