“Miss & Mister Azerbaijan 2023” müsabiqəsinin qalibləri müəyyənləşib

Bakıda “Miss & Mister Azerbaijan – 2023” Milli Gözəllik Müsabiqəsinin finalı keçirilib. Müsabiqə üç mərhələdən ibarət olub, xanımlar və bəylər öz görünüşlərini nümayiş etdiriblər: Sport casual, Casual/Cocktail dress, Black tie/Evening gown geyimləri. Cavidan Kəsəmənli və Kameliya Yussef qalib olublar.

Gecə Dövlət Himninin səsləndirilməsi və “CİGİTLƏR” rəqs qrupunun çıxış etdiyi musiqili konsertlə başlayıb. Daha sonra “Mister Azərbaycan” müsabiqəsinin iştirakçılarının defilasiyası baş tutub. Tədbirin aparıcıları kimi tanınmış ifaçılar Rövşən Civişov və Gülüm Hacıyeva çıxış ediblər.