Azərbaycanda avtomobillərin parklanması üçün yeni tariflər təsdiq edilib

Nazirlər Kabinetinin “Nəqliyyat vasitələrinin parklanmasına görə ödənişin məbləğinin təsdiq edilməsi haqqında” qərarına əsasən, Azərbaycanda saat 22:00-dan 07:00-dək parkinq üçün ödəniş tutulmayacaq. Bundan əlavə, bazar günü parkinq tamamilə pulsuz olacaq.

Sənədə əsasən, “Yol hərəkəti haqqında” Azərbaycan Respublikası Qanununun 53-cü maddəsinin XV hissəsi əsasında nəqliyyat vasitələrinin ödənişli dayanacaqlarda 15 dəqiqəyə qədər saxlanmasına görə ödəniş tələb olunmur. Avtomobil 15 dəqiqədən çox park edilərsə, tam parklanma haqqı tutulacaq.