Azərbaycan sumo güləşçiləri Avropa kubokunda üç medal qazanıblar

Azərbaycan sumoçuları Estoniyanın Vinni şəhərində keçirilən Açıq Avropa Kubokunda yüksək nəticələr göstərib. Yarışın yekununda idmançılar bir qızıl və iki gümüş medal qazanmağa müvəffəq olublar. Ümumi komanda yarışında komanda yüksək hazırlıq və peşəkarlıq nümayiş etdirərək fəxri 3-cü yeri tuta bildi.

Məlumata görə, Xəyyam Abdullayev (77 kq) öz kateqoriyasında üstün olub, bütün rəqiblərini məğlub edərək birinci yeri tutub. Rəsul Məmmədzadə (77 kq) və Sadiq Ağamalıyev (115 kq) isə öz növbəsində fəxri kürsünün ikinci pilləsinə qalxaraq Azərbaycan yığmasını gümüş medallarla bəzədiblər.