Azərbaycan rəssamı “Birlik Ulduzları” mükafatı laureatı oldu

Azərbaycanın Xalq Rəssamı, Avropa Təbiət Elmləri Akademiyasının akademiki Sakit Məmmədov mədəniyyət və incəsənət sahəsində müstəsna xidmətlərinə görə nüfuzlu Birlik Ulduzları Mükafatına layiq görülüb. Bu məlumatı MDB-yə üzv ölkələrin Dövlətlərarası Humanitar Əməkdaşlıq Fondu təsdiqləyib. Eyni nominasiyada mükafatları Qazax Milli Dram Teatrının aktyoru Tunqışbay Camankulov və Özbəkistanın xalq artisti Yulduz Usmanova alıblar.

21 may 2009-cu il tarixində təsis edilmiş “Birlik Ulduzları” mükafatı hər il humanitar sahədə dünya səviyyəsinə uyğun gələn və MDB üzvü olan ölkələrin inkişafına töhfə verən mühüm nailiyyətlərə görə verilir.